柯有倫：我可以令佢驕傲

Alan自小學一年級起，由台灣來港生活，2001年出道，拍過香港電台電視劇，後到台灣發展，電影《陣頭》是他正正式式第一次帶作品回港，Alan表示雖然經常返香港，但第一次因工作關係，心情特別緊張。

父親反對入娛圈

Alan直言當年他曾想工作，但爸爸覺得辛苦賺錢為供養他讀書，因此二人常有衝突：「佢話『你想做明星，不可能！』我希望爸爸可以睇到呢套戲，想話佢知我冇問題，我可以令佢驕傲。」虎父無犬子，Alan為角色苦練打鼓，遺傳了柯受良飛越長城、黃河、布達拉宮那份堅忍毅力。

柯有倫首齣電影創下票房佳績，足與緋聞女友陳妍希睇齊。

柯有倫笑言當時炎夏達37度，成班男仔剝衫落水即刻降溫。

苦練打鼓起水泡

Alan指他於開拍前三個月就練打鼓，練到雙手起水泡，拮穿咗再練。他說：「因為我哋打鼓係打畀天上神明聽，唔可以hea。拍我哋台灣環島走一圈最辛苦，全部外景冇得匿，有次去到海邊，我提議導演加段落水戲，結果成班男仔剝晒，就算露股都唔理，因為37℃真係好熱要降溫！」

文：影視組　攝：秦健輝

場地：8度海逸酒店

髮型：Bux Sheik @ HAIR CORNER