黃建東喜遇翻版兄弟
應屆香港先生「最具演藝潛能大獎」得主黃建東（Derek），早前重遇「孖生兄弟」，他說：「好多人話我係『翻版王梓軒』。之前被安排訪問王梓軒，而Jonathan（王梓軒）一roll機竟然問：『你咪翻版王梓軒？』估唔到唱得作得嘅佢，原來咁有幽默感，所以我都唔介意人哋話我『翻版王梓軒』，有機會的話整次正版翻版王梓軒jam歌都唔錯。（佢咁風騷，係咪因為同薛家燕個女石祐珊拍拖？）我唔清楚，但有拖拍點計都係甜蜜嘅，仲可以增加創作靈感，幽默都係一種創作。」
此外，Derek日前特意與黃爸爸外出吃飯慶祝父親節，他表示母親節同阿媽食飯慶祝，更會送花及送禮畀阿媽，父親節淨係同爸爸食餐飯，他指雖然都驚有啲大細超，不過爸爸從來冇介意。