陳柏宇戀情甜蜜 等結婚
男歌手陳柏宇（Jason）與女友符曉薇感情穩定，曾拍過情慾戲的Jason表示，女友曾向他詐型，最好別拍激情戲，雖然Jason表示暫未有結婚打算，但已視對方為結婚對象。
陳柏宇與女友符曉薇愛得大方，就算被目睹煙韌拍拖也毫不避忌，Jason表示與女友十分夾得來，大家又有共同話題，他說：「我哋鍾意睇戲。（公開拍拖？）開心嘢可以同大家分享，認咗壓力都冇咁大。」
大使冇節制
Jason曾在電影內有情慾激情戲，他笑稱：「佢都有詐型，叫我唔好拍情慾戲。」問到是否視對方為結婚對象？Jason說：「係呀，雖然暫時冇咁快結婚，但大家都睇到有將來，不過始終依家仲係搏殺階段，未必日日見到面，大約一星期見到幾次。」
Jason又謂自己理財觀念頗弱，他說：「因為我好鍾意買嘢，依家理財交畀家人。」他表示未與女友達同居階段，但閒時女友亦會煮大餐，難怪他冧到震！
入行賺經驗
Jason的專輯講及「失去」及「尋找」，他說：「其實入行咁耐都冇失去啲乜，成件事都算係賺咗，唔算犧牲嘅，係自己選擇。」
Jason在樂壇默默耕耘，他說：「我最開心自己歌唱技巧進步咗，我鍾意賺經驗。（開演唱會？）年年都話下年開，希望真係下年開到啦，就算唔喺紅館都OK。」
採訪：戶冊平
攝影：劉智源
髮型及場地：Kiff Lui@P.O.P Hairdressing
衫：D-Mop