Alice B.轉口味愛熟男

混血索模Alice B.昨日與麥浚龍前模特兒女友戴庚玲（Janine）一同出席「apm全城go go go英倫運動會」，Alice身穿以奧運為主題的服飾，由於服裝下半部分似三角泳褲，所以她拍照時不慎露出打底褲，要不停用手遮掩。當提到早前被本報獨家拍得跟一名男模到沙灘戲水一事，問對方是否她新歡？她即作出否認：「我識咗佢3年，係好朋友，佢好細路仔，我鍾意成熟男人。」

有新目標努力中

至於有沒有新目標？Alice笑言：「好似都有，努力中！（之前你都係同model拍拖？）就係歷史中有太多model男友，所以要take a break（休息）唔再同男模拍拖。（有冇10個前model男友？）我係good girl，得4個。（依家鍾意生意男？）唔介意職業，最緊要性格有趣同鍾意音樂。我驚model男友照鏡多過我呀，依家都係鍾意成熟男多啲。」

Alice日前被本報拍得與男模到沙灘戲水。

戴庚玲穿以奧運為主題的服飾，夠特別。

戴庚玲冇搵Juno

而Janine近日同樣被傳有新歡，但她否認，問她是否仍放不下前男友麥浚龍（Juno）所以沒有拍拖？她即哈哈大笑說：「唔關事，我似咁嘅人？我哋已經一排冇聯絡。」

文：名人組