唐詩詠：佢唔敢又摸又咀
唐詩詠、陳智燊於劇中首次飾演一對，雖然二人互讚對方細心，不過詩詠則大爆這位「師弟」很怕醜，拍親熱戲時既不敢摸，又不敢「咀」，要她主動開口，笑言搞到自己好「猴擒」，不過她指對方很似自己的初戀情人。
唐詩詠、陳智燊（Jason）可謂正式的首度合作，二人於劇集《衝呀！瘦薪兵團》中飾演一對，以入行時間計算，詩詠可說是Jason的「師姐」，但於年齡上，Jason卻是詩詠的「哥哥」，不過Jason笑言拍攝期間，不時都是詩詠提點，更指對方為人細心，懂得照顧別人，問是否他那杯茶時，他笑言：「都OK嘅！（有否行多一步?）冇呀！大家朋友，有時會食吓飯，多啲朋友一齊好啲，多啲嘢講嘛！我都好欣賞佢，佢做嘢好投入，對人細心。」
feel到緊張
Jason對詩詠讚口不絕，不過這位師姐就不時取笑他，爆他拍親吻戲時非常怕醜，又不敢摸她。詩詠笑言：「我feel到佢好緊張，有場戲講我哋拍咗好耐拖，走時goodbye kiss拖手，我叫佢錫我，佢只錫我額頭，我話唔係呀，正式時你錫我嘴啦！佢真係好怕醜，有啲氹我的戲份，佢唔敢摸我，要我問番佢，你可唔可以摸吓我呀，搞到我好似好猴擒咁！」
如初戀男友
不過，詩詠指Jason由初時的好靜變得好煩，要喝先會停，十足過度活躍的小朋友，問她會否喜歡這些「可愛大男孩」時，她直言Jason像她的初戀男友，她謂：「其實佢個樣同性格都好似，雖然首次合作，但係我好容易搵到佢優點嚟鍾意佢，佢份人都好細心，識得照顧人，彌補咗佢嘅低能，佢好有潛質，我哋拍攝時，25歲以上的女性都會望住佢。」
文：影視組
服裝：Gloss（唐詩詠）