麥貝夷自認懶學生
青春歌手麥貝夷（Karene）雖然予人乖巧、活潑形象，不過她亦自爆中學時代是個懶惰學生，她說：「我係一個臨急抱佛腳嘅人，中學嗰陣成日邊睇電視邊做功課，去圖書館就係考試嗰幾個禮拜先去，而中學時又參加咗銀樂隊，所以擺放咗好多時間喺練笛度。」
Karene又坦言初戀在中學發生，更曾為初戀男友親手弄禮物，她說：「拍咗拖之後都有表達愛意，試過親手整一隻熊啤啤畀佢，不過最後因為嫌佢太悶，所以最終我哋分開咗，不過我哋依家仲係好好嘅朋友。」不過她認為在讀書時期拍拖應以不影響學業為大前提，這樣才可以令家人心服口服。