傅嘉莉拍廣告攬仔取暖
模特兒傅嘉莉（Kelly）早前簽約無綫加入公仔箱，但她未有放棄模特兒事業，早前遠赴紐約拍攝航空公司廣告，自爆被一名外國男演員攬住取暖，她說︰「因為當時天氣太凍，我成個人震晒，佢見到咪攬住我，（唔怕被抽水?）佢個用意唔係咁，加上外國人一向好熱情，我反而要多謝佢，唔係我可能會病。」
她又透露拍攝此廣告收獲良多，一來可以到紐約十多天，吸收當地文化潮流，二來這是她首個大型廣告，她說︰「呢個廣告好多國家都有播，我啲外國朋友都有問我廣告入面個女仔係咪我，我覺得好開心，好幸運比佢哋揀中。」提到將來發展，她說︰「我想多啲新嚐試，希望快啲拍劇學多啲新嘢！」