麥浚龍執導筒 打造新殭屍

麥浚龍（Juno）早前創作了電影《復仇者之死》藍本，並擔任男主角，更將他電影事業推上另一層次，摘下「第15屆韓國富川國際奇幻電影節」最佳男主角。

集齊80年代演員

久未露面的他正密鑼緊鼓籌備開拍電影《七日重生》（暫名），亦是他入行十年的新發展，首次擔任電影導演，他說：「入行十年係一個好有意義嘅日子，我希望做我鍾意嘅電影。我自細就好鍾意殭屍系列電影，所以我希望第一部片係殭屍片，仲要搵番香港八十年代最地道嘅演員嚟演，當中有樓南光、陳友、錢小豪。」此外，他亦找來自己極欣賞的金像影后惠英紅、最佳男、女配角盧海鵬和邵音音，打造出金像陣容。

Juno對自己首部殭屍電影的製作相當認真。

Juno不時親自指導演員拍攝。

許冠英逝世遺憾

Juno坦言最希望有殭屍系列元祖級人馬林正英和許冠英演出，可惜二人已經離開，他說：「我寫第一稿時許冠英仲健在，後來收到佢離世消息真係好突然，我好難過亦覺得遺憾無機會同佢合作，而個角色真係好適合佢。」Juno表示最難是找回在圈中不太活躍的實力派藝人，他說：「外國投資者對呢班藝人，比依家仲活躍嘅藝人更熟悉，佢哋一致反應都好好。」Juno指希望將失去近三十年的殭屍系列電影帶回香港，用一個新角色切入殭屍題材。Juno首次執導便要指揮一班資深演員，他說反而來得更易，他說：「我嘅要求佢哋好快明點做，有一種分擔作用，有時佢哋做出來嘅嘢想像仲要嘅更多，我壓力反而無咁大。」

文：影視組