Rainbow做女僕 撩慶宅男
臨近書展，o靚模又再列陣出寫真強攻宅男荷包，年年都出寫真的o靚模組合冬甩，今年派出大師姐胡心諾（Rainbow）玩制服誘惑，小休一年再出山的曾寶玲（Ar Yu）就力谷32D養眼上圍，教宅男如何忍手？
每年有數之不盡的o靚模趁書展出寫真谷人氣，個個V煞面、間尺鼻倒模橫行，可幸冬甩成員Rainbow及Ar Yu都有個人優勢，才免於淹沒在茫茫o靚模海之中，四度挑機的「老」前輩Rainbow，出道四年都只得20歲，繼續青春無敵，今次身兼兩職為寫真擔任造型指導的她大玩制服誘惑，扮女僕及學生妹當然冇走雞，直認私底下宅過宅男的她平時最愛睇漫畫，熟讀一眾動漫角色：「有時睇到啲鍾意嘅角色，都會諗吓點樣可以整件衫出嚟，我一向對服裝設計都好有興趣。」
人瘦胸不瘦
至於師妹Ar Yu今次就無得玩制服誘惑，她主要職責乃力谷32D咪咪，抖了一年後，她今年決定去盡，多個造型均以真空上陣，誓要搞到宅男噴血！近來突然暴瘦的她難得上圍不變，完美身形十足人造人！除了身材煞食，素有「翻版蔡依林」之稱的Ar Yu甜美笑容亦是必殺技，早前她更特意選購手銬，為寫真加入SM元素。肌膚偏黑的她笑言唯一死穴是「見光死」：「好多人趁夏天去曬太陽，我就一定唔會，避得就避，出街都帶遮同做足防曬！」看來小妮子深諳一白遮三醜之道。.
文：專案組
攝：黃叔榮
場地：Be With