蔡立兒火辣嫁德勛

歌手歐陽德勛及蔡立兒將於下周一(25日)舉行婚禮,一對新人的婚紗照曝光,其中一款夠晒突破搶鏡,蔡立兒穿上火辣紅色婚紗,而德勛則穿上彩藍色西裝襯綠色恤衫,跟未婚妻各自上網及四圍搵衫的德勛笑說:「除咗傳統款,將來老咗睇番都想長青啲,冇咁悶,人生有番啲色彩,所以揀咗又紅又藍這喜慶顏色。」

二人選擇在求婚的教會行禮及註冊,晚上在酒店筵開13圍宴請親友。德勛笑言會在婚禮上強忍淚水,至於造人計劃就順其自然。