Rika冧仔做facial 睇波興致高

Rika係中越混血兒，擁有越南女仔苗條輕盈嘅身形，喺拍攝跳高嘅鏡頭時，係眾「歐國妹」跳得最高嘅一個，配合埋一雙修長美腿，絕對秒殺。

不過，靚都要付出努力o架！Rika提醒姊妹喺歐洲國家盃期間，最緊要留意皮膚保濕：「記得要敷多啲mask，否則個樣好易殘。」Rika又指，男仔一樣要護膚，呢個責任就落喺女仔身上：「大家可以同男朋友做facial，順便幫佢按吓頭、揼吓骨，替佢消除疲勞。」咁體貼又小鳥依人，男朋友點會唔錫晒吖！

Rika建議大家睇波都要透吓氣，記得出街happy吓。

Rika（右）身材纖瘦苗條，與Jeana一樣煞食。

抽空吃喝玩樂

不過，Rika話，有時女人都要對自己好，因為要人愛自己，首先要自己愛自己吖嘛！睇咗十幾日波，都係時間要抽離一吓：「吊頸都要透吓氣啦，應該抽一日出嚟，放開懷抱shopping一番，或者約班好朋友出嚟大吃大喝同埋clubbing，叉足電再睇波。」

Rika果然溫柔又體貼，如果你都buy嘅，就即刻download由《東方日報》及《太陽報》為歐國盃推出嘅「歐國波Something」App，喺App入面嘅「歐國妹Polling」中like一like佢，仲有機會喺觀塘apm同Rika一齊睇歐國盃決賽添！