四十歲的港男鍾兆倫殺上內地電視節目《非誠勿擾》，成功奪得內地女作家吳瑜芳心成為內地佳話。節目中鍾兆倫親到吳瑜至愛的嫲嫲墓前拜祭，令吳瑜及觀眾大為感動。
鍾兆倫昨日表示到吳瑜的家鄉探訪時已掌握其嫲嫲的資料：「係我要求製作單位同我去墓園，初時佢哋因為budget問題反對，但我堅持要去。我去到墓園逐個墳搵，搵咗兩個鐘頭。吳瑜都有問我同嫲嫲講咩，但我只可以透露係一個秘密嘅承諾！」他續說有網友散播分手傳言：「我同佢冇分手，全部都係假！（好多女粉絲留言垂青？）係有唔少女網民嘅留言，我多謝大家嘅祝福，依家專心同女友發展就夠。」