任達華父親節 嘗法式驚喜
前日是父親節，名模琦琦和囡囡任晴佳原本在法國餐廳訂了枱，並準備禮物為任達華慶祝父親節，惜華哥要趕戲最終缺席飯局，但凌晨12點前，華哥意外地收到琦琦和囡囡帶來的外賣法國菜探班，令華哥開心甜爆。
向來拍戲勤力又拚搏的華哥，早前拍戲時不慎弄傷面部，令囡囡非常心痛，剛從上海返港的他，前晚父親節亦要繼續趕戲，原本琦琦預計待華哥完工，便可一起吃法國餐慶祝。
等極唔到
可惜，如意算盤未打響，琦琦與囡囡及家人前晚7時許先行到達位於西環的法國餐廳，邊食邊等，各人更穿上華哥的幸運色──綠色服飾期待「主角」到達，但無功而還。
琦琦說：「囡囡帶咗個狗仔花籃畀爹哋，係囡囡揀嘅，其實前一晚已見到爹哋，（囡囡有冇親手做禮物畀爹哋？）有，係朱古力，整咗十幾份，華哥之前拍戲整傷咗，囡囡好心痛，整咗好多禮物送畀佢。（叫爹哋錫身啲？）佢有叫小心啲。」
大開眼界
琦琦表示自己亦買了袋、首飾和頸巾給他做禮物，待他拍戲回家便看到。不過華哥最終因拍戲時間難預計而缺席飯局，不過母女兩人想出妙計，將法國菜由頭盤至甜品六道菜打包，趕及凌晨12點前送到華哥拍戲現場，氹得他開心不已。琦琦說囡囡甚少往探爹哋班，她說：「佢見有幕爹哋將一個人撳住喺地下打，仲有血！囡囡好驚，我就同佢講唔使驚，只係拍戲，等佢大開眼界，令囡囡過咗個非一般父親節。」
文：名人組