王梓軒練辣舞 博咀女友

要問准家燕姐

問到個唱上可會與緋聞女友兼經理人石祐珊（薛家燕大女）拖手演唱時，梓軒即笑說：「咁Old School嘅，辣身舞唔得咩？」原來梓軒與舞蹈員已苦練辣身舞，對手可考慮是石祐珊？梓軒笑言：「不如問吓佢啦，如果佢練得成我冇所謂。（唔驚fans呷醋？）佢哋好鍾意阿珊㗎，我哋係好朋友關係唔會出事。」梓軒辯稱當被拍到與祐珊相擁是答謝她送生日蛋糕：「擁抱喺外國好閒啫，外國咀嘴都係咁！（一次過辣身舞兼咀？）嘩，問吓家燕姐先。」講到家燕姐讚他是好男仔，梓軒謂：「開心嘅，家燕姐要求高，得到合格都興奮呢。」而石祐珊在場亦有與王梓軒合照。

文：音樂組

王梓軒與緋聞女友石祐珊大方合照。

王梓軒父母現身撐場。