Angelababy唔覺男友塑膠化
潮模Angelababy昨日出席護膚品活動，不看片酬接電影的她笑言要趁未開新戲，多接廣告吸金。提到父親節，Baby稱已折現給家人大擦一餐慶祝，之前她透露會送由她主演的電影戲票給男友黃曉明父親，她說：「送咗畀所有父親，我唔知佢睇咗未。」
Baby又承認與電影公司華誼兄弟洽談加盟事宜，問她有否問曉明意見，她說：「佢依家都唔係華誼，而且我哋工作分得好開。（開咩價同條件會令你心動？）無諗過，要問吓我經理人Kim，唔知佢有冇開天價，或者開Kim價。」日前曉明與周潤發合照，二人看似年齡相若，Baby讚發哥保養好，又撐曉明樣子並不塑膠化。
此外，Baby前日在上海為電影《第一次》宣傳及謝票，她表示為該戲入圍電影頻道的傳媒大獎而感到高興，並希望導演能獲獎。