傅穎寄情工作 掃護膚品過台灣搵食

快將離港的傅穎，日前與同事狂掃護膚品、即食乾糧，上足彈藥置裝扮靚，為拍台劇做好準備。當日化了淡妝的的傅穎，與公司同事到尖沙咀超市掃貨，搬動幾公升蒸餾水，又掃即食乾糧，但專挑低卡路里食品，之後又去美容店買護膚品，一口氣連掃三樽V形瘦面霜。

之後傅穎行經時裝店，睇中一條白色Deep V長裙，走到試身室試足半個鐘才離開，然後又試高踭鞋，睇中一款4吋高的斗零踭，可惜沒她尺碼，結果兩手空空，之後與同事乘保母車直返寓所。

放大圖片	傅穎除了買瘦面霜外，更買藥油傍身。