城城惜Lynn等簽賣身契

郭富城（城城）昨日出席第三屆「太子珠寶鐘錶精英盃」賽馬日活動，同場還有胡杏兒、任達華、吳孟達、李丞責與女友劉倩婷等，而莊思敏及姚書軼等則擔任模特兒。馬主城城被問到他的馬匹，他謂因工作繁忙沒時間照顧牠：「我係唔稱職嘅馬主，冇辦法，作為專業演員，要完成工作。（你呢個爸爸冇時間，幫隻馬搵媽媽？）隻馬個媽媽喺澳洲喎！（馬主夫人？）我又未結婚。」

為拍戲吸煙致喉嚨發炎

對於早前曾說「如果大家唔嫌棄，會唱到60歲」一話被曲解不結婚，他澄清：「大家誤會咗，我雖然冇家庭觀念，但始終會成家立室。（派定心丸畀Lynn？）知大家錫我、關心我，緣分嘅嘢冇得急！（女方唔等得咁耐？）成家立室都會。」問會否悄悄地簽紙先？他搞爛Gag：「又簽？我已經有好多合約在身！（只屬於一個人？）大家嘅意見會考慮清楚。」記者說要珍惜好女仔，心情大好的城城笑着點頭。另外，他透露早前為楊采妮執導的電影《聖誕玫瑰》，因劇情需要吸煙而導致喉嚨發炎，但坦言為藝術犧牲不緊要。

係真唔係？（設計對白）

胡杏兒對佳麗有艷照流出，慶幸自己選美時未有facebook。

杏兒：選美前咪影艷照

同場的黃宗澤（Bosco）女友胡杏兒不慎露bra，養眼度大大跌watt。被問有否贏過幸運錢財？她說：「冇咩賭運，買六合彩多，（Bosco呢？）唔知，要問佢，但佢應該唔鍾意賭博。」談及今屆港姐艷照流出的報道，她坦言：「奉勸想選港姐嘅人唔好影，好彩我個年代唔興facebook！」問是否現選完可拍？她口快回應：「係！（會影？）唔係，身材好啲先，（男友叫你會否影？）唔會啦，佢自己影自己，（佢都被影過啦！）呢啲後生仔女都做o架喇！」

吳孟達剃掉招牌鬍鬚，教人差點認不出他來。	姚書軼（右起）與莊思敏等為大會擔任模特兒。	李丞責與女友劉倩婷拍拖出席。

而早前因拍戲受傷的任達華，透露囡囡在傷口上親吻，一吻療傷，非常窩心。他表示收到囡囡七份父親節禮物，而自己將會給囡囡回禮，於暑假一家人到維也納旅遊三星期。另外，久沒出席香港活動的吳孟達，對於早前有指他爆明星到內地飯局的報道，他否認說：「好聽就百花齊放，唔好聽就群魔亂舞。」他透露曾到一個飯局，全枱的香港明星酬勞達200萬元。

文：名人組