蘇施黃感激「任白」 樹立長情典範
高調「出櫃」的節目主持蘇施黃喜見香港坊間對「女女」同性戀的接受情況有所提高，並盛讚粵劇名伶「任白」（任劍輝、白雪仙）的成就卓越，「長情」形象深入民心。
蘇施黃前晚接受電台同志節目《自己人》訪問時，坦言自己經常帶女朋友回家：「我成日帶女朋友返屋企，父母仍相當Welcome，連二十年代嘅人都接受到，我真係好感激！」
勸停鬧「直人」林以諾
蘇施黃又指近年來香港人對「女女」的「關係」接受情況，明顯比以前高，原因竟然是「任白」的功勞：「真係要多謝『任白』，佢哋嘅成就卓越，加上幾十年長情唔花心，真係出色嘅表表者！」
對於近日林以諾牧師將同性戀跟吸毒、天生殺人狂相比的言論，阿蘇笑言：「大家唔好鬧佢啦！佢呢啲『直人』根本唔明我哋『攣人』嘅諗法，一係搵個男人去教佢啦！」
曾公開插林牧師「同性戀言論」荒謬的黃耀明亦有接受電話訪問，他暗寸林牧師是「恐怖分子」：「佢閂埋門向教徒灌輸呢啲訊息，就好似恐怖分子匿喺總部度部署恐怖襲擊一樣！」明哥更認為林牧師應向全港同志道歉。
文：音樂組