好姊妹蒙在鼓裏 「哭別」戰友
再有佳麗出局要執包袱，因為大會密謀「復活戰」，不知情況的親密戰友紛紛戥她們不值，其中陳潔玲和朱千雪更喪喊送別鍾麗和陳華鑫。狂拭淚的陳潔玲坦言壓力大：「參選時唔知咁樣淘汰，好大壓力，（互片唔公平？）又唔可以話唔公平，但我哋臨時先知，好殘忍！當時我都覺得陳華鑫會出局。
（點解？）唉……唔知呀！其實我好鍾意佢，好戥佢唔抵，（互片下冇晒啲靚女？）嚟緊可能有其他淘汰！」朱千雪則稱：「好唔捨得啲佳麗，（唔公平？）當初唔知係咁，有啲驚訝！」至於人氣不低的張名雅表示：「唔覺賽制殘忍，今年係港姐40周年，應該會好新鮮，係一項挑戰。」
另外，尤蔭蔭在港姐fansbook上因一句留言：「原本今日要在UCLA行畢業禮，但最後在倫敦同其他佳麗一齊度過……」而遭網友叫她應退賽去行畢業禮，又留言指她肥醜難分等，相信她看後會比陳潔玲等人喊得更激。
