陳華鑫失信心 怕殘酷3叮

今屆香港小姐改玩殘忍真人騷，經過連番淘汰賽後，16位身在倫敦拍外景的佳麗繼續被魚肉，前日分組賽落敗一方再foul兩人，但竟非由評判決定，而是臨時宣布由負方8人互選「最應被foul者」，最終外形不俗的「短打桂綸鎂」陳華鑫及「浴照佳麗」鍾麗被叮出局，兩人均面燶燶表示不滿，前日更被安排繼續跟隊到大笨鐘進行拍攝，非常殘忍！

曾明俐直入決賽

另一邊廂，大會宣布Top 3佳麗是曾明俐、張名雅及湯洛雯，分數最高的曾明俐更有「免foul金牌」直入決賽，她認為優勝處是有做Gym操弗，問她是否與上圍最豐滿有關？她說：「都OK，但大家都好靚。（慶祝？）唔會住，都唔可以話冇晒壓力。」

鍾麗直言覺得互叮賽制唔公平。

楊斯雅 弱點：太瘦欠台型 建議：健身增磅添線條

港姐今屆為有Noise無所不用其極，大會統籌經理余詠珊表示或會在決賽前舉行復活戰，讓已Out佳麗再有機會「翻叮」，她說：「我哋一直留意群眾反應，如果真係Out咗最靚嘅，都唔使擔心，可能畀出局佳麗比賽多一次。」對於佳麗投訴互選不公平，余詠珊說：「我哋諗嘢一定叻過佢哋，就算玩多次可能最終會勝出，但都有機會畀大家睇係咪實至名歸。」

曾建怡 弱點：入圍後太招積 建議：學識謙虛積口德	王潔沁 弱點：素顏驚嚇，臉部爆瘡 建議：飲多幾劑涼茶	梁靜怡 弱點：臉形方過方包超人 建議：向𡃁模請教Ｖ煞絕技

應該每隊叮一個

大會副籌統經理陳家揚亦不認同規則殘忍，表示會安排工作予出局佳麗，而且兩人會跟大隊拍攝「散心」，至今日才返港。問到會否怕叮走較漂亮佳麗？他說：「唔會嘅，質素咁平均，其實我哋都好難揀。」似暗示評判揀唔掂才交由佳麗互片，難怪被foul的鍾麗大表不滿：「覺得幾唔公平，當時兩隊打和，心諗應該每隊foul一個，突然叫我哋揀，都唔識揀！（唔負責任？）梗係啦！佢哋揀唔到，我哋仲難啦！」

鍾麗 弱點：與男友爆浴照打擊自信 建議：撇甩肉男自信上路

陳華鑫 弱點：身材平平無睇頭 建議：勤飲木瓜奶谷上圍

有經驗增添信心

陳華鑫心情則較輕鬆，身為後補佳麗的她再次被foul，問到會否覺得被玩？她說：「咁諗仲唔開心！但我都係求其揀，點指兵兵囉！可能我唔夠高又唔夠靚。」對於或有復活戰，鍾麗大表贊成：「有被Out嘅經驗，復活戰好有信心，我會更加努力！」相反陳華鑫似信心欠奉，怕再被Out多次，陳百祥（叻哥）則認為有「汰弱留強」效果。

此外，負方一組隊長卞曉帆最後與陳華鑫爭出線，笑晒口的她否認胸有成竹：「我係隊長，有叫大家要笑，唔好喊。（殘忍？）都幾！要寫一啲唔想寫嘅人落去。」

知己知彼翻叮必勝

港姐真人騷由香港力戰到倫敦，無綫密謀「復活戰」將被踢出局的佳麗循環再選，最近兩輪被「叮」的六位佳麗必須爭取機會重生。