名模琦琦昨在微博透露老公任達華在拍戲時擦傷了面，令她十分擔心，記者致電琦琦問候華哥傷勢，她說：「佢塊面有啲紅腫，佢受傷之後即時send咗相畀我，用冰敷緊塊面，雖然擔心，但冇乜嘢，拍戲成日都會受傷。」
另外，琦琦、鄭融、Jessica C.等前晚出席英國著名搖滾攝影大師Mick Rock的攝影展揭幕，問到父親節如何慶祝？琦琦說：「兩手準備，我已訂咗法國餐廳，如果佢唔使拍戲就一家人去食，如果要拍戲就打包返屋企畀佢。囡囡知爹哋拍戲辛苦，所以準備咗好多份禮物，有T恤、cushion及盆栽。」而鄭融獲Mick熱情款待，又搭膊頭又熊抱，攬腰之餘又錫她面珠，她即顯露尷尬之色，問她有冇嚇親？她說：「西方人一般平時禮儀啫。」