Lynn輸鬥志被梁政珏V殺
天王郭富城（城城）日前公開表示未打算結婚，城嫂熊黛林（Lynn）前晚出席活動時表示不心急嫁做乜太，更指再講嫁人問題的話會好「大鑊」。情場失意的她，連衣着亦棋差一着，慘輸給同樣deep V上陣、透視34D導彈的無綫「咪神」梁政珏。
熊黛林前晚與趙碩之、鄧穎芝、HotCha的Winkie、張健聲等出席壽司店活動。身材向來不弱的Lynn以低V連身裙上陣，未盡力谷胸的她，慘被同樣低V現身的新一代無綫「咪神」的梁政珏，以透視裝騷34D導彈成功搶鏡。
早前有傳城城為幫Lynn患癌病的父親沖喜，二人將會結婚，但城城隨即否認其事。對於城城表態未有婚期，Lynn淡然說：「無得點睇，一年答五、六次，次次問，自己唔想對號入座，唔好問我啦，唔知點答。」
Lynn自稱並不急於嫁人，記者笑指她要向蒙嘉慧偷師如何成功逼婚，她沒好氣說：「唔知，我有時間，慢慢揀吓！」問到如果城城五十歲才當父親會否太遲，她無奈說：「我控制唔到，幫唔到佢，靠佢自己。（你哋係咪有共識遲生BB？）唔係，我唔鍾意做未婚媽媽，我好傳統，一定要點樣（結婚）後先生BB。（係咪要做咗郭太先？）隨便乜太都好，唔想咁高調，唔講佢，再講仲大鑊。（我哋叫你做乜太？）等我做咗乜太後先啦！」
趙碩之暫別性感
另外，Lynn稱未試過為其他人做壽司，問到是否敢做人體壽司，她笑言自己太多動作，難以維持同一甫士數小時。至於同場的趙碩之透露為投入舞台劇角色，要暫別性感：「我飾演風之后李麗珊，唔想影響佢形象。（男友會唔會包前排捧場？）我無男友。（已婚嗰位。）等佢單身先一齊。」
文：名人組