丁子高望兒超班下周叫爹o地
祝各位爸爸父親節快樂！過去一年娛樂圈喜事重重，不少龍仔、龍女排隊出世。新任爸爸丁子高希望囝囝Torres是超班B，並期待囝囝下星期識叫「爹爹」！而同樣榮升爸爸的陸永雖與老婆經歷「曲赤事件」，但無損感情，兩人更特別用囡囡的胎毛做「文武筆」送贈囡囡！
丁子高、陸永及陳浩民三位新任爸爸今日度過首個父親節，初為人父的丁子高透露因兒子尚小，故今日會留於家中，不會特別慶祝，他說：「會同千嬅爹哋、媽咪一齊食飯，我爹哋就下星期喺上海返嚟，佢仲未見過Torres，不過我每日都有send相畀佢睇！」他並言千嬅正在坐月，未能出街，所以應不會代囝囝送上父親節禮物。
喜迎乖仔十二朝
不過，丁子高不禁表示已開始期待Torres叫他爸爸：「希望Torres快啲叫爹爹，如果佢係超班B嘅，下星期都應該識叫爹哋！依家我同佢傾偈，佢都有反應，會發出啲聲音，所以好期待佢叫我爹哋！」而昨日是Torres的十二朝，不少親友昨日都到其家中探愛兒及食薑醋，丁子高並透露有位朋友更當是囝囝生日，送Cupcake當禮物！他並言有打算為Torres舉行百日宴，但所有事情都仍未落實。
咀照無損夫妻情
而今年二月升呢做爸爸的陸永，本可與太太泳娜及女兒一同歡度首個父親節，但先前卻爆出其妻與曲赤的咀嘴照，令謠言滿天飛，但陸永表示兩公婆的感情如昔，未有受影響。對於父親節來臨，身為「湊仔公」的他表示由於女兒仍細，故仍是「付出節」，他更率先送上第一份禮物給囡囡：「我哋用啲胎毛整咗支『文武筆』畀佢，希望佢讀書聰明，亦係我哋送畀個女嘅第一份禮物！」同為新任爸爸的陳浩民，亦獲太太代女兒陳雅薷送上父親節禮物，把囡囡照片製成父親節卡，並於微博代囡囡祝浩民父親節快樂。
文：音樂組