馬國明新劇咀杏兒畀人鬧
胡杏兒與馬國明昨日為新劇《戀愛季節》到將軍澳拍攝手拖手拍拖戲，杏兒坦承獲男友黃宗澤（Bosco）送車，她說：「佢送首期，算係歷來最大份禮物，都多謝佢！（唔叫佢送晒？）呢啲要自己畀至夠開心。（以身相許當回禮？）嘩！諗諗先啦！」對於被指向Bosco逼婚一事，杏兒澄清：「冇咁嘅事，雜誌嘅嘢睇吓就算，（驚報道破壞形象？）咁通常都係講女方向男方逼婚，只要登嗰張相唔醜樣就得。」
此外，馬國明希望Bosco的fans高抬貴手，他說：「我畀人鬧，網上有Bosco嘅fans知我會喺劇度同杏兒有場人工呼吸（戲），佢哋唔想我親近杏兒，我都想借位拍咗佢，好彩劇情講杏兒主動，如果唔係反應仲大。」