鍾嘉欣出席活動時被問到有指緋聞男友伍允龍到訪她香閨兼「宿」一宵時，她表現驚訝並謂全不知情，更口窒窒回應：「煮飯仔？冇咁嘅事。（有冇上過你屋企？）佢對上去我屋企係兩個月前，都係成班人一齊嚟，你哋唔好亂諗！」
當記者問她二人現在是甚麼關係？她表現無奈，繼續迴避說：「答過好多次，唔想再答，唔好意思！（你讚過佢係好男友又信得過？）我想保持私人朋友關係，到適當時處理，如我講嘢再叻啲就再講。（公司唔畀公開？）唔好諗咁多，我鍾嘉欣喺呢八年嚟好低調，屋企事都少講，你哋畀啲耐性同體諒我，當我遇到啱或有喜訊時就會公布！」
