紅姑復出拍戲非耕不做
頻傳復出演戲的鍾楚紅（紅姑）昨日出席活動時，表示不抗拒再踏足大銀幕，只怕觀眾嫌棄，她更自薦演出環保電影及耕田。另外，活動期間，紅姑戴着價值近300萬元的王冠上的鑽石突然掉下，難得紅姑依然處變不驚，繼續談笑風生。
鍾楚紅昨日以黑色吊帶晚裝出席法國殿堂級珠寶品牌CHAUMET新店開幕暨王冠工藝展覽，並戴上逾500萬元的鑽飾，高貴迷人。紅姑表現風騷，獲品牌總裁Thierry Fritsch輕吻其玉手，其後二人聯同品牌亞太區董事總經理梁守善及IFC零售及租務部總經理Karim Azar主持剪綵儀式，不過，在祝酒前卻發生小插曲。
以為跌耳環
紅姑頭上戴着約值300萬元的王冠上的鑽石忽然掉下，幸Azar即時拾起並交給紅姑，見慣世面的紅姑未有被突發場面嚇親，她以為粒鑽石是耳環，更摸摸耳仔，後拿着鑽石研究，非常淡定。接受訪問時，紅姑解釋王冠上的部分鑽石可以分拆，只是其中一部分未有扣緊，故才掉下，問她會否擔心損壞？她笑說：「唔擔心，鑽石係最硬嘅，唔會咁易跌爛，所以先會用鑽石代表愛情。」
搵鍾珍鋪路
另外，紅姑透露陳慧琳的經理人鍾珍會在工作上協助她，問是否跟對方簽約？她否認：「我哋識咗好多年，佢只係幫吓我。（為復出鋪路？）我依家咪企喺度囉！拍戲太長遠，順其自然，我怕冇人睇咋！（有冇劇本畀你揀？）未有啱，亦冇乜。有好嘅我會研究。」問到怎樣的劇本才能打動她，支持環保的紅姑即場開出條件：「有冇人拍環保嘅戲，你哋幫我打聽吓！耕田都得，我鍾意種嘢。（做媽咪角色呢？）我驚自己唔識湊，照顧貓狗同打理花草，我就熟手。」
文：名人組