洪天明捱夜觀賽 落場失準
歐國盃開鑼後，引發全城足球狂熱，雖然昨日凌晨無綫並無直播足球賽事，但洪天明前晚波癮起，率領一眾無綫藝員羅鈞滿（Moon）、楊潮凱、朱敏瀚等人到將軍澳踢波「止癮」，天明坦言因「捱夜」睇波而影響表現：「因為晚晚通宵睇波唔夠瞓，都影響我今日踢波表現！」對於明日凌晨舉行的荷蘭對德國賽事，天明坦言力捧荷蘭：「我係荷蘭隊嘅忠實fans，已經捧咗好多年，雖然荷蘭唔爭氣，每次大賽嘅表現都差，但我都想佢贏、想佢出線！而德國球員嘅搓波技術好，相信今場賽事一定好好睇！」
任達華捧英格蘭
楊潮凱則與天明「唱對台」：「德國勝算應較高！因為荷蘭欠 team work！」不過Moon亦力撐天明：「既然上場荷蘭對丹麥因為欠team work而輸波，教練自然會在戰術上作調整，我諗荷蘭會贏一比○！」
另外張智霖、譚詠麟、李克勤、任達華等一眾圈中「好波」之人，亦在微博對歐國盃議論紛紛，李克勤與任達華更是「同道中人」，同是英格蘭粉絲，任達華表示：「我愛英超，更愛英格蘭！」而克勤亦表示：「終於推過了，我和英格蘭都是，咳到甩肺，希望明天可休息一天！」。
文：專案組