楊怡供養阿媽要謙仔出錢
楊怡、謝天華與陳敏之昨日為新劇《法網狙擊》拍外景，與楊怡攬攬的天華笑言：「佢肚腩頂住我腹肌！」楊怡聞言反擊：「佢話抱我抱到佢濕晒呀！」
早前有傳楊怡購入新屋，緋聞男友羅仲謙亦搬進該屋苑。她謂：「我冇聽過佢搬入去。（同你住？）咁就仲死，我梗係供養我阿媽先，如果佢有錢畀我差唔多。（你要佢啲錢？）我要都係揀結婚嗰啲要啦，無啦啦要佢啲錢做咩？」問到謙仔是否她對象時，楊怡即大搞爛gag：「我對住好多象㗎！（有追求者？）我唔相信我冇。我唔係單身，我成日同佢（指助手）一齊！（另一半呀！）我細細個已許願嫁畀我媽！」
