阿刨唱盡名曲潮玩3D
粵劇名伶龍劍笙（阿刨）為紀念入行50周年，將推出處女個人專輯《任曲笙韻》，當中收錄翻唱師傅任劍輝的名曲。阿刨為給歌迷新鮮感，特別採用3D製作封套。看過封套的阿刨笑言認不出自己：「係咪我嚟o架？」
阿刨去年特別從溫哥華返港，與梅雪詩合演折子戲《龍情詩意半世紀》，期間多次被主辦單位老闆丘亞葵（Vigo）邀請推出專輯，由於阿刨從未出過CD，經過數月深思熟慮後最終答應。原本完成舞台劇到台灣旅行的她為爭取錄歌時間，最終放棄外遊。
有彩雲飛舞感覺
新專輯將於本周六面世，當中收錄四首師傅任劍輝的名曲，包括《有情活把鴛鴦葬》、《牡丹亭驚夢之玩真》、《孤雁再還巢》及《一枝紅艷露凝香》。
阿刨坦言四首歌都是兒時至愛歌目，她說：「呢4首歌係我每朝練嘅歌，唱住佢有無限嘅感情。」她更感激Vigo說：「佢真係好好，畀咗個驚喜我，真係好感動，就係封套用咗3D製作，好有『彩雲飛舞』感覺。」阿刨笑指相片顏色配搭非常好：「睇到張3D相，有種係咪我嚟o架嘅感覺？呢種心情非筆墨所能形容。」
花心思設計造型
首次出專輯的阿刨表示能夠出CD是一個緣分，她說：「好開心Vigo有咁嘅構思，由試造型、操曲同錄歌都好順利。」要求完美的阿刨花了很多時間設計造型，她謂：「將原本平凡唔靚嘅我，改成依家嘅我，真係用相當多時間。」
文：音樂組