鍾麗做好自己爭入圍
16位候選港姐昨日於電視城為出發倫敦拍攝外景拜神，是次旅程將會再淘汰兩名候選佳麗，早前從男友的社交網站外洩慾照的鍾麗大表緊張，但不忘為男友護航：「佢社交網站都刪咗，佢好自責！（怕被Foul？）預咗，我會盡全力做好自己！」
早前傳出與導演彭發有曖昧關係的「瘡版陳妍希」陳潔玲（Christy）坦言認識對方：「好耐冇聯絡！（分手冇聯絡？）我哋私下都冇乜來往，以前有啲課外活動會搵導演幫手講座談會。」有傳她曾隨彭發往泰國拍攝，她解釋：「唔係得我一個去，讀書時自費去見識吓！」提到她們於倫敦將會首次以泳衣會晤傳媒，Christy笑言：「都有啲擔心，仲未知邊日拍。（心口啲暗瘡？）之前皮膚敏感，依家好番好多！」
