柯有倫谷戲 群星力撐
曾志偉、張學友、苗僑偉等前晚力撐已故特技藝人柯受良（小黑）之子柯有倫（Alan）新片首映，Alan坦言感動到想喊，後來更忍不住在後台灑淚。志偉說：「小黑臨過身前，我應承睇住佢個仔。」Alan則想以新片《陣頭》獻亡父，他說：「有段對白叫父親唔使擔心，都係我心聲。（叫緋聞女友陳妍希捧場？）唔知佢睇咗未，我有睇佢嘅戲，我諗佢都會支持我。」
前妻有新歡係好事
志偉被問到藝人前妻王美華戀上較她後生12年的汪建民一事時，他表示女兒曾寶儀曾問他有何反應，他指：「我話幾好，咁嘅年紀仲有小朋友鍾意，係好事，但我都唔知係咪真，係真佢會同個女講。」
學友謙稱過氣天王
同場撐柯有倫的學友則說：「完成咗演唱會，暑假會留喺香港，兩個女見唔到我時會掛住我，到我喺屋企，佢哋又掛住睇電視。（點睇立法會雷曼迷債事件調查報告？）大家都要負責嘅，不過我唔係好大鑊啫！」而創下一年內巡迴演唱會觀眾人數紀錄的學友謙稱：「我係過氣天王，依家一街都係歌神！」
文：影視組