周麗淇恨睇姐姐大肚樣
藝人周麗淇（Niki）昨日出席活動，表示當晚會跟爸爸及家人吃飯慶祝父親節，她說：「我諗住請爹哋去旅行，一家人一齊去。我爹哋好簡單，佢淨係想我同家姐（周汶錡）多啲陪佢，近呢兩年我哋都覺得爹哋年紀大喇，都多咗陪佢，每年都會陪佢去旅行。（爹哋想你哋帶埋另一半一齊去？）佢好識趣，唔會講出口，但爹哋好鍾意小朋友，好鍾意湊孫。（咁你要快啲生個B畀你爹哋湊！）好彩我阿哥有一個，頂住先。」
問到何時到她結婚？Niki即時將責任推給姐姐：「係都家姐先，家姐有啲眉目，佢機會快啲，呢啲嘢急唔嚟。」並笑言心急想看姐姐懷孕的樣子。