李亞男諗定祖藍家鄉擺婚宴
無綫藝人李亞男昨日擔任婚紗騷模特兒，她坦言假若將來出嫁，定必參與婚紗設計，並表示希望將來的婚禮能於沙灘或花園舉辦。問到是否打算於外地辦婚禮？她說：「我諗喺好多地方都要搞，因為我屋企人喺外國，香港都有好多朋友，可能連東莞（男友王祖藍家鄉）都要。」提到早前王祖藍的嫲嫲於電視節目中大爆他們快結婚，亞男笑言：「嫲嫲成日都好爆。（催婚？）佢好nice，讚我有型有格，唔知點解佢咁讚我。（長輩開到聲，你哋識做？）我哋自己有安排，但都尊重長輩意見。」
另外，她表示下月將放假兩星期，並會返加拿大探親。問到祖藍會否同行？她說：「唔會啦，佢好忙。（家人有冇見過佢？）冇乜點正式見，喺教會嘅時候有打招呼。」
