徐子淇笑兩女 性格似Tomboy

前晚身穿黑色長裙、儀態萬千的徐子淇，出席德國精品品牌MCM旗艦店周年晚宴，同場出席嘉賓包括名模琦琦、汪圓圓、貝安琪、Jocelyn、賭王千金何超蓮，以及莊思敏前緋聞男友林忠豪等。子淇自言喜歡品牌的產品，問女兒們有否拿她的手袋裝扮？她笑言：「佢哋性格似Tomboy，大嗰個（李晞彤）鍾意英雄人物，感染細女（李晞兒）都鍾意。以前鍾意公主人物，依家鍾意蝙蝠俠、蜘蛛俠同警察。買裙畀佢哋，佢哋話要褲；買比堅尼，佢哋唔肯着，要着潛水衣。不過小朋友都係一個個階段啫，見過街上十二、三歲已經着短裙同露臍，太早性感唔好！」子淇透露曾帶兩女到警局及消防局參觀，笑言好過渴望做公主，又說：「女唔係好擔心，如果囝囝鍾意女仔嘢就擔心，好彩佢唔鍾意玩公仔，都OK！」

暑假享二人世界

談到如何慶祝父親節？子淇表示未有計劃，繼而自爆當晚活動後去旅行度周末：「去到先諗，（二人世界？）全家去，遲啲暑假同埋爹哋、媽咪去，佢哋會帶小朋友返嚟先，之後就享受二人世界，但我會好唔捨得佢哋！」另外，品牌當晚還捐出共75萬元予香港智行基金會。

何超蓮是品牌粉絲，特購下限量版背囊。

Jocelyn（左）與汪圓圓（右）、貝安琪盛裝出席活動。

圓圓撇未來老爺

同場的汪圓圓表示與家人在港慶祝父親節，卻與男友蔡加讚分頭慶祝，因當晚撞正其好友生日。問如何與男友父親補祝？她牛頭唔搭馬嘴說：「唔識煮嘢食，（學？）結婚後先學，（有婚期？）未，仲後生，開心拍拖。」而林忠豪對於與上年落選港姐劉思希的緋聞，表示：「我識佢，（女友？）唔係，（出去食過飯？）一班人都有。」他自言現有目標，指對方並非圈中人，問進展如何？他說：「幾好，（向廖碧兒交代？）大家少聯絡。」

貝安琪	鄭欣宜緋聞男友、韓模崔豪進（中）等為大會擔任示範。

另外，超蓮原來是品牌粉絲，在英國讀書時已鍾情英國國旗的限量版倫敦奧運背囊，早前忍不住在香港分店購買一個。

文：名人組