劉青雲昨日出席「保護遺棄動物協會」活動，呼籲大眾養寵物前要三思，領養了兩隻狗仔的青雲大讚此機構有人情味：「有啲領養機構會將冇人收養嘅寵物人道毀滅，呢個機構就將即使冇人養嘅動物，都會一直養落去。」
青雲結婚多年仍未有下一代，覺得養狗仔好過養「人仔」？他笑言各有千秋，同時否認家人畀壓力：「冇，家姐同細佬都有細路，冇人催我，其實養動物同養人都好大責任。」
