Hidy陪仔睇波 忌懶醒
Hidy（余曉彤）一向都係運動型索女，已經有潛水牌嘅佢運動細胞十足，四年一度嘅歐洲國家盃，Hidy當然唔會錯過。不過Hidy就話自己唔會懶醒，喺男友班Friend面前表現得足球知識多過佢，佢仲教路話最好搽少少香水，安靜坐喺男友身邊陪佢一齊睇波，感情肯定大進添。
喺iPhone同Android都可以下載、為歐洲國家盃推出嘅「歐國波Something」App入面，作為其中一個「歐國妹」嘅Hidy，可以話同歐洲最貼近，因為佢擁有四分之一西班牙血統，歐洲國家盃期間，佢肯定會全程為呢支衞冕球隊打氣。
西班牙最出名鬥牛，但Hidy就話自己唔會同男友「鬥牛」，尤其講足球，更加唔會表現得叻過佢，或者亂發小姐脾氣，畀人話「港女」：「港女其中一個特質係自我同自私，所以當男友有朋友一齊睇波，不論喺屋企定卡拉OK，最緊要表現得有咁賢淑得咁賢淑，畀佢話晒事……一晚咁多啦！」
沖定靚涼搽香薰
Hidy又向女仔教路，如果得番你同男朋友，做法又唔同喎，可以先沖個靚涼，搽少少香水或香薰，默默坐喺男友身邊支持佢愛隊，即使唔出聲，佢聞到你身上香味，都知你支持佢，肯定感情大增啦。
咁好嘅女仔喺邊度搵？喺「歐國波Something」App就搵到喇！大家可以download呢個App，畀個like支持Hidy，等佢成為「歐國妹」Polling Queen，你仲有機會同Hidy喺觀塘apm舉行嘅「我和女神終極決賽約會@apm」，一齊睇波一齊玩遊戲，你仲唔快啲download？
「歐國波Something」 緊貼戰情
歐洲國家盃開咗波幾日，「歐國波Something」介面當然有updated啦，「女神19式」每逢大戰日送上，由周秀娜同師妹，教吓各位姊妹點樣可以喺每個賽日同男朋友增進感情。最勁嘅介面係「即時戰報」同「實況報道」，「即時戰報」立即update比分，「實況報道」仲厲害，開波前已經有晒兩軍陣容，大戰開始就同你緊貼戰情，球場發生緊乜事？邊個入波？邊個攞紅牌即刻話你知，如同置身現場一樣。