楊千嬅和丁子高的愛情結晶品Torres終於有樣睇，小Torres的高鼻子更生得與千嬅一模一樣，相學上來說屬「段鼻」，堪輿家余中哲解釋「段鼻」一定要有肉包裹，鼻樑不起骨並配合清澈眼神。
有「段鼻」之人個性較強，是財富之相，余中哲說：「千嬅都擁有『段鼻』，加上佢眼神清澈，就搵到大錢。其他圈中人好似謝霆鋒、徐淑敏咁都擁有『段鼻』，亦係有眼神配合嘅例子。」此外，堪輿家陳子才指這種鼻稱為「拱鼻」，代表精打細算，他說：「佢兩母子數口一定好精，呢個鼻代表心思縝密，工作能力強兼刻苦耐勞，而Torres眼線較長似爹哋丁子高，代表人緣好，桃花極旺，係個萬人迷。」
