徐靖雯傾慕劉翔 拒絕張揚
模特兒徐靖雯昨日在活動中大讚中國田徑運動員劉翔靚仔，但講到自己男友、歌手周子揚卻突然收口，表示希望專注工作不夾雜私事。
徐靖雯（Jenny）昨日出席apm舉行的「『紙』醉情迷英倫藝術展率先迎奧運兼賀父親節」活動時，自爆四年前在北京奧運曾擔任自願者，負責帶賓客進場，她說：「當時仲讀緊書，好開心，係好有意義嘅事。」她更指當時遇見有「欄王」之稱的中國田徑運動員劉翔，並表示十分高興：「我有同佢合照，當時佢有出現，但因為受傷冇跑。」
男友不會呷醋
Jenny大讚對方友善又靚仔，繼續對他讚不絕口說：「亞洲人來說，他做到很厲害嘅事情！我嘅同學都好鍾意佢。」問她男友周子揚是否如劉翔般帥？她笑言：「劉翔比好多男生都帥，（男友呷醋？）唔會。」問平日有否與男友做運動？她隱晦表示：「唔清楚……（分咗手？）冇，唔想工作夾咁多私事。」問父親節會否探男友家人時，她又表示：「希望大家專注我工作上，不想多講感情事，（少說緋聞少工作？）相對吧，認真工作和感情沒關係。」
Alice B.「試水溫」
而同場的模特兒Alice B.被問會否到英國觀看奧運，她坦言知道當地人民反對舉行奧運而變得瘋狂，表示會留港觀賞。她稱喜愛美國泳手菲比斯，問會否挑選男友像菲比斯般「大腳板」，她笑言大小不重要。至於感情生活，她坦言現有追求者，並指「試水溫」中，她說：「上年工作忙，今年希望有感情生活。」
文：名人組