周柏豪攬兩女倪晨曦當兄弟

周柏豪、倪晨曦及周泓早前到泰國拍攝電影，朝夕相對下三人成為好友，雖然柏豪於拍攝期間，在網上留言指有演員掛住照鏡阻礙拍攝，令人聯想是倪晨曦！但報道無損兩人友情，日前更聯同周泓，三人齊齊接受本報專訪，倪晨曦主動澄清說：「睇到報道都呆咗，肯定柏豪講嗰個唔係我！」柏豪坦言自「玻璃杯論」後令人特別留意其言論。

周泓殺入旺區掃貨

對於柏豪激惹緋聞，倪晨曦哈哈大笑：「我哋只有兄弟情。」隨即踢爆拍戲時遭對方取笑，倪晨曦說：「佢成日話我唔夠斯文、唔夠女仔，又話我企得唔夠直，好似大哥哥咁話我。」而周泓表現得相當受落，她笑說：「來來來，不擔心與他傳緋聞。」令身旁的柏豪即彈開及尷尬傻笑，柏豪說：「咁我要坐開啲。」

柏豪怕與合作的女星傳緋聞，尷尬得即時彈開。

對於兩女，柏豪就像大哥哥一樣。

由於周泓甚少來港Shopping，此行她與好姊妹倪晨曦到銅鑼灣及尖沙咀「入貨」，記者笑周泓促進香港經濟，她說：「買了少少。」倪晨曦即插嘴說：「佢買咗好多呀！我只係買到一樣嘢。」稍後三人會聯同其他演員到內地宣傳電影。

採訪：音樂組

攝影：沈健程

場地：川燒