徐淑敏羅馬險被擄生死3分鐘

即將榮升老闆的Suki早前與老公黃浩（Kenny）出發到歐洲學習調製香水，想不到前日在羅馬險些遇劫兼被擄！當日早上Suki與老公離開羅馬下榻酒店時，因酒店職員未能關好車尾箱，Kenny遂下車整理，原來當時不遠處有十名彪形外籍大漢緊盯兩人座駕，其中兩人更欲走近司機位，似有所行動，Suki見狀即嚇得大叫救命：「老公，快啲返嚟，佢哋想開車呀！」黃浩聞老婆大叫，即飛奔回車上，再以極速鎖好車門飆車離開，成功擺脫眾人，有驚無險。

冇諗請保鏢

兩人於短短三分鐘內經歷了一次「生死時速」，Suki與Kenny昨接受電話訪問時仍猶有餘悸，Suki稱：「我咁大個女都未試過咁驚！（差啲被擄走喎！）係呀，當時若果佢哋一上車，我就會即刻跳車。（考慮請保鏢？）去之前都有計劃過，但聽朋友講，可能會有不良分子同保鏢夾埋打劫，所以最後打消念頭。」

租名車累事

黃浩則稱：「可能同我哋租嘅車有關，原本我要求租普通車，點知租車公司話冇晒，所以upgrade我哋坐Benz。可能因為我哋坐Benz加上又係中國人，所以好多人向我哋行注目禮，都有啲不安。」他又稱為了安全，駕車時會到人多地方，若然有警車的話，更會將座駕泊在警車旁，以策安全。

文：影視組