何嘉莉訂床位九月生得

身材纖瘦及腳踩四吋厚底鞋的何嘉莉自爆已懷孕六個月，可謂雙喜臨門，她興奮地說：「已經知道係仔，預產期九月，一知道有咗就即刻訂床位。（佗住ＢＢ開舖好辛苦？）都可以，因為Harris好幫手。（你仲着高跟鞋？）我都係活動先着，老公冇話唔畀，只係叫我小心。（會開刀定順產﹖）未諗。」Harris稱不怕何嘉莉生仔，獨留自己一人打理店舖，他笑言：「生仔好快啫！」

同場吳雨霏（Kary）的鼻樑變高而且雙眼大了，疑似整容，她即否認並表示是戴了隱形眼鏡：「最近都有人咁話我，我覺得係好事，即係代表我靚咗，我冇整容，整容亦唔係大件事，整完靚咗就ＯＫ。」

吳雨霏稱冇整容。

陳柏熹（左）獲何猷亨捧場。