苟芸慧自認健康 有shape有色
華裔小姐冠軍級人馬苟芸慧屬有料之人，但昨日出席活動時卻不及同場大騷事業線的楊洛婷性感，苟芸慧表示自己走健康路線而非惹火類型，公司也不會替她接泳裝騷，但若真的要行泳裝騷也會先操fit身材。
苟芸慧昨日以tube dress出席腕錶品牌Hamilton活動，但論性感卻不及同場穿上低胸裙大晒三吋事業線的司儀楊洛婷。苟芸慧表示這是她今年首個戶外event，笑言天氣熱得令她想脫掉衣服，問到她為何不穿得性感些，她說：「我健康吖嘛，唔係惹火嗰種類型，女仔唔一定要show好多肉先sexy。（接泳衣騷？）公司覺得我比較健康，應該唔會幫我接。（你自己呢？）都暫時唔會。如果公司真係幫我接咗，我都會花啲時間keep fit先，女仔要有啲shape至靚。」
請人搧扇
她又透露稍後要到橫店一個月拍攝《金枝慾孽2》，由於首次到橫店，對於當地氣溫酷熱，問她可有消暑方法？她說：「我有冰墊，但係好似冇用，可能要請助手搧扇。（傳佘詩曼客串？）我唔知，只知成套劇會拍得好artistic。」她謂聽聞當地時有不少觀光團，不過就不擔心會遭人鹹豬手：「我諗佢哋唔會咁做，我着晒古裝，而且公司會保護我哋。」而品牌特別與瑞士MSW飛航公司合作，打造了一隻1:1 VOTEC 221 Hamilton飛機模型，於本港展出。
文：名人組