克勤拋妻棄子瞓柴房

克勤、組合Shine和盧凱彤昨日出席太陽計劃主題曲首播活動，至於克勤即將為now主持歐國盃節目，克勤坦言：「星期五開波，到時凌晨五點先收工，所以我返到屋企都係瞓柴房。」克勤再解釋：「怕互相嘈醒啦，因為兩個仔都好早起身，費事到時輪到個仔嘈醒我。」克勤表示柴房其實係雜物房，唔使瞓地下有尼龍床、有冷氣，他笑言：「不過部冷氣機轟轟聲，仲要住足19日等球賽完結。（怕唔怕兩個仔以為父母鬧交要分床瞓？）咁又唔會嘅。」

Shine 8月開騷

至於安排大仔暑假活動，克勤表示：「要佢一定學游水，唔怕佢跌落水會浸親，其他活動佢可以自己揀。（鍾意足球？）佢對足球、籃球冇興趣，反而鍾意打高爾夫球。」

盧凱彤亦有出席太陽計劃主題曲首播活動。

Shine表示他們開騷不為搵錢，只希望同歌迷聚一聚。

另外，Shine兩子8月的「復合」演唱會反應熱烈穩袋20萬歌酬？Shine笑言：「唔知，冇問過。（每人20萬定平分？）我哋都想知，其實我哋開騷大前提唔係搵錢，只係想同歌迷聚下。」他們不介意歌酬放在製作費上，又南最想吊威吔出場，而天佑則想從升降台上現身。

文：音樂組