陳慧琳祝三年抱兩
千嬅的龍仔RMB昨日出世，歌手好友紛紛祝丁氏一家幸福快樂，BB快高長大。
陳慧琳：「恭喜千嬅，希望ＢＢ健康成長，三年抱兩，之前我送咗張ＢＢ床畀佢，希望ＢＢ喺父母陪住下瞓得好sweet。」
陳奕迅：「萬分恭喜丁生、丁太，祝福丁家上下平安、幸福、健康、快樂；老婆（徐濠縈）都戥佢哋開心，由兩個人變三個人，呢排老婆做嘢會見到丁生，會親自恭喜佢，仲會諗份禮物送畀ＢＢ。」
梁漢文：「好開心聽到呢個消息，恭喜丁生丁太進入人生另一個新階段，希望好好享受上天賜嘅禮物，祝佢哋生活愉快。」
容祖兒：「超級無敵恭喜你同埋辛苦晒千嬅啦，哈哈，又一名雙子仔誕生，一定是精力旺盛頑皮仔呀！」
古巨基：「恭喜丁生丁太，祝丁Ｂ健健康康，肥肥白白，快高長大。」