泥魚孟@RB：無中生有
樂隊RubberBand（RB）昨日應酒店邀請為自己設計的主題房間布置，4人分工合作，各自忙於插花、鋪地氈、掛牆鐘等，而房間以綠色為主，問主音6號為何有此構想？他說：「因為我哋都踏入30（歲）之年，青春無多，想帶出青葱嘅感覺。」牆上掛了兩個不同時間的鐘，6號就話分別是香港及巴西時間，他笑說：「因為我哋時日無多。」
本報日前收到讀者爆料，指RB各成員感情生活「複雜」，已婚的泥鯭跟o靚模李蘊關係曖昧？首度開腔回應的泥鯭，先沉默片刻說：「無中生有，私人嘢唔回應，（李蘊話爆料中嘅密會地係你工作室？）都唔回應，（緋聞影響心情？）嗰單嘢冇影響到我，唔好用緋聞呢個字眼。」
6號拒談隊友緋聞
至於阿正被爆料跟太太搞離婚，他從容說：「冇離婚，（搞緊？）唔回應，（報料者話被雜誌影到嘅女士唔係你太太？）唔回應，出面點寫，我冇所謂，我只驚訝點解會偷影我，我又唔係星。」至於阿偉亦大方承認戀上前助手，更視對方為結婚對象。問6號可知其他成員的緋聞？他說：「你都問晒啦，我要保護佢哋。」
文：音樂組