周秀娜箍男友 得閒開波
「宅男女神」周秀娜因工作而長期與男友陳偉成分隔兩地，感情備受考驗，難得她得知男友為模媽Mia推胸時，仍能笑言男友打保齡球很厲害，更揚言不怕男友推胸推上癮，明顯自信十足，不把Mia放在眼內。
周秀娜（Chrissie）與o靚模王麗嘉（Rika）昨日出席時裝活動，久未在港露面的Chrissie表示自己前天剛從內地拍攝電影返港，一回港便工作至凌晨，故未有機會與男友陳偉成（Avis）見面。問到Avis有沒有為早前生日的她送上驚喜？她淡淡地回應：「冇呀！（返嚟有冇期待？）都有啲，始終一齊咁耐，想知佢會搞咩心思嘢。」她又透露自己越洋準備了維他命C丸給男友補身，續說：「知佢拍戲辛苦。（佢拍動作片（床戲）易受傷？）OK嘅，佢運動開。（冇你喺度疏於練習喎！）呢啲邊有得練，唔同感覺嘅。」
唔怕戲假情真
提到Avis與模媽Mia拍攝激烈床戲，Mia更近乎全裸被Avis推胸一事，她即打趣說：「佢打保齡球好犀利o架，應該OK。（向你備案？）冇同我提過。（問罪？）唔會，做嘢啫。（怕唔怕佢推上癮？）咁得閒我同佢打羽毛球囉，做多啲運動好嘅。」她坦言不怕Avis戲假情真，更指自己叫他投入去演，喜歡上對手是好事。問到二人是否感情轉淡？她即口窒窒回應：「咁咪……應分囉！（受威脅？）從來冇擔心，最緊要大家信任，我哋畀好高自由度大家。」
而同場的Rika則表示自己剛參演了一部微電影，飾演一夜情女友，並透露有意挑戰自己性感底線，作更激演出。
文：名人組