文恩澄孖DJ男友 夾波「蜜蜜」操
歌手文恩澄（Rannes）和新城DJ男友杜浚斌（Ben）日前齊邀請私人健身教練eo試玩情侶運動，除對打拳擊外，還有fit ball squat、拉筋、掌上壓等，Rannes自言一向少做運動，自從與熱愛做gym的Ben拍拖後，在耳濡目染下才開始愛上做運動，Rannes謂：「我平時都有跑步，不過嫌一個人跑好悶，依家有Ben陪督促，真係做多咗運動。」
見Rannes和Ben對打拳擊時，表現得「姐手姐腳」，幸好得男友和教練指導下，才逐漸打得有板有眼。問Ben之前可曾和女友過招？他說：「梗係唔係啦，我出拳好勁，怕打親佢，我多數自己打沙包或同教練對打，同佢打要就住，唔過癮囉。」
到玩fit ball squat時，Rannes和Ben背對背頂着巨型健身球，再齊齊向下墮做屈膝動作，雖然看似零難度，但Ben卻表現得有點吃力，他說：「其實好難o架，因為我同Rannes身高有異，我又望唔到佢，要憑感覺就力，稍為用力不當，就夾唔實個波，都有難度嘅。」
場地：aPTness Fit