林睿：睇得起係榮幸
最近有指有夫之婦、仁美清叙主席羅霖對亞洲先生季軍林睿特別照顧，不時為他引薦工作及帶同出席活動，兩人又常在微博互動及上載合照，似乎頗為友好。身在北京的羅霖昨日在電話中表示有聽過傳聞，但說：「我係都照顧仁美清叙會員啦！」問到怎樣形容與林睿的關係時，她煞有介事地拒絕回答：「其實我依家拍緊嘢，遲啲先覆你。」並匆匆收線。
只係好朋友
林睿昨日到大埔超級城出席亞視展覽，他說因參加亞洲先生而認識評判羅霖，惟兩人從沒單獨約會，亦沒有因她多了工作，但暗示獲對方器重：「有前輩照顧及睇得起係榮幸，但影響到佢就唔好，我哋都係公開活動時合照。（之後避忌啲？）只是好朋友，冇咩特別關係，可能就係冇避忌，先至大方拍照同上載到微博。（覺得佢點？）所有後輩佢都會照顧。」當選後常出席宴會及活動，曾跟不少名媛合照，但絕不想被誤會博宣傳。
同場的筱靖剛從加拿大回港，筱靖表示與當地朋友叙舊並介紹男仔給她認識，但她並不接受異地戀。
文：影視組