超蓮獲新歡護送 冧爆甜笑

現年21歲、與長髮靚仔Jeremy分手近兩年的超蓮，感情一直未有着落，更曾揚言恨拍拖。至今年初，本報拍得超蓮與年紀相若的陳嘉超（Leo）到中環睇戲，雖然當時細佬猷啟及家姐超雲亦有同行，但Leo對超蓮特別體貼，氹得超蓮心花怒放。

Leo登堂入室，在超蓮家拿着波衫留影。	Leo送超蓮到附近街頭上車後才離開，盡顯風度。	傅穎與Charlie睇戲，其後為對方慶生。

飛英國陪慶生

雖然超蓮已透過家姐超雲否認拍拖，更指Leo已有女友。但大前日，超蓮再被發現與Leo約會到銅鑼灣睇戲。當日下午6時，超蓮先行往戲院售票處買飛，然後再到樓上戲院會合Leo入場欣賞由韋史密夫主演、新上映的《黑超特警組3》。兩口子散場後一同步出戲院，沿途有傾有講，超蓮又被男方氹到不時甜笑，之後Leo護送超蓮到附近街頭上車後，才自行離開，盡顯紳士風度。據知，Leo現就讀中文大學人類學系，在港讀書的他卻不時抽空飛赴英國與超蓮見面。上月超蓮與孖生細佬猷啟生日，Leo亦有飛往英國送上驚喜。Leo的facebook更不時上載與超蓮及猷啟的生活照片。

傅穎同場現身

另外，同場見到傅穎與中年男子結伴睇戲，她見記者拍照亦大方向鏡頭微笑。原來該男子是曾跟周秀娜傳緋聞的電影監製黃永峰（Charlie）。昨日傅穎在電話訪問表示：「因為Charlie生日，嗰晚係約咗大班朋友食飯，咁啱我哋下晝得閒咪去睇戲囉！我同佢係前年拍《熱浪求愛戰》識嘅朋友。（有冇發展可能？）黐線啦！佢結咗婚o架，我哋係朋友，依家冇拍拖。」

文、攝：追蹤組