克勤教精關楚耀 雞腳當學費
睇住關楚耀（Kelvin）長大的李克勤，以過來人的豐富經驗，將水滾來比喻高低潮，並寄語Kelvin要時刻充實自己，捉緊每個機會來臨，珍惜依然肯買碟的粉絲。
克勤稱得上是環球唱片（前身寶麗金）的老臣子，Kelvin父親効力寶麗金多年，克勤可以說是睇住Kelvin大，Kelvin還記得小時候跟克勤去過旅行，寶記全公司人一起到溫哥華滑雪。對Kelvin曾一度陷於人生低潮，在樂壇打滾多年的克勤坦言在娛樂圈總會有高低潮，他笑說：「高潮梗係要趁水滾拿拿臨落嘢煮，好多機會煮到好嘢，但低潮時啲水都冇滾過，點撥都冇用。」
諗得多鑽牛角
對Kelvin出道時被視為校長譚詠麟接班人，克勤勉勵Kelvin要振作，他說：「唔好諗咁多，諗得太多個人反而會鑽牛角尖，盡量充實自己，將自己keep喺最好狀態，當機會來到時先會捉得實。」克勤的年代唱了很多改編歌曲，他說：「依家唔同晒，大家要畀多啲料，花多啲時間做歌，亦都應該珍惜仲肯買碟嘅朋友。」
煮嘢亦講feel
克勤以師兄身分為Kelvin主持最後一集節目《關仁煮事》任嘉賓，為答謝克勤對他的鼓勵，Kelvin特別炮製了克勤愛吃的糯米飯及椰子瘦肉雞腳湯，克勤笑說：「圇雞腳嘅食相留喺屋企食好啲，要戙高腳咁先冇得頂。」對煮食一竅不通的克勤又笑言：「以旁觀者睇，好明顯你（Kelvin）係好有經驗。」Kelvin表示煮食就像唱歌一樣講求feel（感覺），因為煮食都是一種藝術。
文：音樂組